मिति २०८३/०६/०६ गते स्वास्थ्य कार्यालय तेह्रथुमको आयोजनामा स्वास्थ्य संयोजक, प्रयोगशालाकर्मी तथा स्वास्थ्यकर्मीहरूको १ दिने क्षयरोग सम्बन्धी वार्षिक समीक्षा कार्यक्रम फेदाप गाउँपालिकाको तालिम हलमा सम्पन्न गरियो।

Government of Nepal

कार्यक्रमको अध्यक्षता स्वास्थ्य कार्यालय तेह्रथुमका कार्यालय प्रमुख श्री विनय ज्ञवालीज्यूले गर्नुभएको थियो। कार्यक्रममा स्वास्थ्य निर्देशनालय, धनकुटाबाट पाल्नुभएकी ज.स्वा.अ. श्री सुजता बुढाथोकीज्यूको विशेष उपस्थिति रहेको थियो।

कार्यक्रमको सञ्चालन ल्या.टे.नि. श्री सञ्जय कुमार साहज्यूले गर्नुभएको थियो। क्षयरोग तथा अन्य तथ्याङ्कसम्बन्धी विषयमा त.अ. श्री तोयानाथ दाहालज्यूले सहजीकरण गर्नुभएको थियो। साथै, ज.स्वा.अ. श्री सुजता बुढाथोकीज्यूले क्षयरोगसम्बन्धी कार्यक्रमका विषयमा सहजीकरण गर्नुभएको थियो।

कार्यक्रममा विभिन्न स्थानीय तहबाट सहभागी हुनुभएका स्वास्थ्य शाखा प्रमुखज्यूहरूले आ-आफ्नो पालिकामा सञ्चालित क्षयरोगसम्बन्धी कार्यक्रमको प्रगति, उपलब्धि तथा चुनौतीहरूका बारेमा प्रस्तुतिकरण गर्नुभएको थियो।

कार्यक्रममा क्षयरोगसम्बन्धी कार्यक्रमको वार्षिक समीक्षा, तथ्याङ्कको अवस्था, कार्यक्रम कार्यान्वयनका चुनौती तथा आगामी कार्ययोजनाका विषयमा छलफल तथा अन्तरक्रिया गरिएको थियो। साथै, जिल्लामा क्षयरोग नियन्त्रण तथा व्यवस्थापनका कार्यक्रमलाई थप प्रभावकारी बनाउने विषयमा विचार आदानप्रदान गर्दै कार्यक्रम सम्पन्न गरियो।